Россий президент Владимир Путин 2026 ийым калык-влакын икоян улмышт идалык семын увертараш темлымашлан келшен.
Пӱтынь Российысе казак обществын атаманже Виталий Кузнецов Калык-влак кокласе кыл шотышто советын заседанийыштыже 2026 ийым калык-влакын икоян улмышт идалык семын увертараш темлымаш дене лектын.
«Сай ой. Айста, ме тыгак ыштена», — каласен вашеш кугыжаныш вуйлатыше да вице-премьер Татьяна Голиковалан пунчал-влакын проектыштым ямдылаш кӱштен.
2007 ий гыч президент шке указше дене вес ийым мер тӱткышым тушко ушаш ты але вес темылан пӧлекла. Эн ончыч руш йылме идалык эртаралтын. 2025 ийым Ачамландым аралышын идалыкше семын увертарыме.