2026 ийын икымше пелийыштыже «Пушкин карте» дене ужалыме билет чот шот дене Марий Эл муниципал образований-влак коклаште ончыл верыш Йошкар-Ола лектын. Тидын нерген тӱвыра министерстве муниципал кид йымалне улшо тӱвыра тӧнеж-влакын рейтингыштым ончыктымо годым «Кидшерлан» увертарен.
Куд тылзе жапыште Йошкар-Оласе тӱвыра организацийлаште 5,6 тӱжем билет ужалалтын. Кокымшо верым Курыкмарий округ налын (1,4 тӱжем билет), кумшыш — Звенигово район (952 билет).
«Пушкин карте» — тиде 14 гыч 22 ияш марте самырык-влаклан посна банк карте. Тудын дене эл мучко музей, театр, кино, концерт зал, филармоний да моло тӱвыра тӧнежлашке билетым налме годым тӱлаш лиеш. Программе Россий президент Владимир Путинын темлымыж почеш 2021 ий гыч илышыш шыҥдаралтеш.