«Марий Элын идалыкысе книгаже — 2026» республикысе конкурсын оргкомитетше ушнымашлан 110 йодмашым налын. Йодмашым налмаш умбакыже шуйна да 26 ноябрьыште мучашлалтеш, увератрат организатор-влак.
Йодмашым пуышо-влак коклаште — «Марий книга савыктыш», тудо руш да марий йылме дене шанче монографийым, туныктымо полышкышым, прозым да почеламутым, сымыктыш да йоча сылнымут книгам темлен.
Марий кугыжаныш университет да Юл кундемысе кугыжаныш технологий университет социолингвистике, сылнымут, экономике лӱдыкшыдымылык да туризмыште цифровой экономике шотышто шанче пашам увертареныт.
Калык усталык республикысе пӧрт 10 савыктышым — фольклор, калык вургем, калык сем нерген книгам, тыгак марий йылме дене пьесым — темлен.
Конкурсыш 2025–2026 ийлаште возымо да савыктыме книгам пуаш лиеш. Оргкомитетыште автор-влаклан да савыктыш-влаклан документ-влакым пытартыш кечын оформитлаш огеш темле.
Конкурс 13 номинацийыште эрта, нунын коклаште «Идалыкын эн сай книгаже» тӱҥ премий, тыгак «Марий йылме дене эн сай книга», «Марий Эл Республик нерген эн сай книга», «Науко да туныктымашлан эн сай книга», «Йоча да самырык-влаклан эн сай книга» да «Лудшо-влакын кумылышт» номинаций-влак улыт. Пытартыш номинацийыште сеҥышым книган ончерыштыже (тудо 10 декабрь марте пашам ышта) очный йӱклымаш иктешлыма почеш палемдат.
