«Монча кечын» мо лийын?

М.Шкетан лӱмеш Марий кугыжаныш драме театр 15 октябрьыште 18 шагатат 30 минутлан «Монча кечын» драмым ончаш ӱжеш.
Пьесыште тачысе саманысе ял илыш ончыкталтеш. Авашт деке кок эргыже унала толыт: Виталий – капитан, Россий армийын офицерже да  вуйлатыше сомылым шуктышо Георгий. Авалан куанен гына илаш… Но эргыштлан авашт ынде уто лийын.
«Монча кечын» спектакльын режиссер-постановщикше — Марий Эл Республикын сулло артистше Роман Алексеев, художник-постановщик – Марий Эл Республикысе Кугыжаныш премийын лауреатше Сергей Таныгин.
Спектакльыште Россий Федерацийын сулло артисткыже, Марий Эл Республикын калык артисткыже Маргарита Медикова, Марий Эл Республикын калык артисткыже Антонина Антонова, Марий Эл Республикысе Кугыжаныш премийын лауреатше Павел Ефимов, Марий Эл Республикын сулло артистше-влак Светлана Сандакова, Алексей Тетерин, Алина Егошина, Александр Бирюков да Сергей Данилов модыт.

Кидшер
Шонымашым ешараш