Озаҥыште ООН модель модмаш

Татарстанын рӱдолаштыже ООН-ын V Озанысе тӱнямбал модельже эртен. ООН-ын модельже – тиде самырык-влакын кажне ийын эртарыме модышышт, тушто нуно посна кугыжаныш представительын рольжым шуктат да тӱнямбал кӱкшытыштӧ тудын интересшым аралат. Тышке самырык тукым тӱнямбалсе эн пӱсӧ проблеме-влакым рончаш полшымо кумыл дене погына. 
МарГУ гыч ООН-ын модельышкыже «тӱнямбал кыл» направленийыште тунемше А. Филимонова ден М. Абдуллаева миеныт. Ӱдыр-влакын мутышт почеш Озаҥыште модмаш пеш пайдале лийын. Нуно тӱняумылымашыштым пойдареныт, ООН организаций нерген шуко уым пален налыныт, дипломатический приемышто, усталык касыште, экскурсийыште лийыныт, Бразилий, Нигерий, Азербайджан да моло элла гыч толшо самырык-влак дене вашлийын мутланеныт.

Леонид Гимаев

Кидшер
Шонымашым ешараш