Республикысе марий тӱвыра рӱдер «Марла ойлаш тунемына» у да шкешотан проектым илышыш шыҥдара.
Тиде проект почеш, лу мультфильмым ышташ палемдыме. Тений визытше лекшаш. Мультфильмын тӱҥ геройжо Кечыйол (Солнечный лучик) мландыш вола, да марла мутланаш тунемеш. Йоча-влак тудым марий йылмылан шӱмаҥдат — тӱрлӧ мутым туныктат. Мультфильмын геройжо-влак марий модыш дене модыт да шочмо йылме дене мурым мурат.
Икымше мультурокым ончаш телена.