– 2018 ийыште Марий Элын социал-экономике вияҥмыжым иктешленыт. Ялозанлыкыште чумыр сатум ыштен налме дене республикына Российыште – визымше.
– Шупашкарысе ГЭС-ын вӱдшым кызытсе улшо 63 метр кӱкшытышак кодаш палемдыме.
– Поэт-фронтовик Василий Яковлевич Рожкинын шочмыжлан 105 ий. Тидлан пӧлеклалтше шарнымаш-кас Провой кундемыште эртен.
– Тунемше-влак этнотӱвыра предмет дене шинчымашыштым тергат. Йошкар-Олаште республикысе олимпиаде эрта.
– Машинам шогалтыме правилым пудыртышо-влакым видеокамере полшымо дене кучат. Рӱдоласе корнылашке «Паркон» лектын.
– Пурлымвер-влак ваштареш кучедалмаш. Нуным могай ончыкылык вуча? Оласе депутат-влак темлымашым ыштеныт.