Республикыште «Студент десант» акций эрта

«Студент десант» Россий кӱкшытан акций кышкарыште Марий кугыжаныш университетын 40 наре студентше экскурсий дене ОМОН-ын базыштыже лийын. Тиде спецподразделенийышке эн ончыч физический культур, спорт да туризм ден физике да математике факультетлан ӱдыр-рвезышт миеныт. Нунылан тысе тоштерышке экскурсийым эртареныт, студент-влак отрядын историйже дене, тысе боец-влакын тыныс жапыште Йӱдвел Кавказыште служебный командировко жапыште могай задачым шуктымышт шумлык палыме лийыныт.
Рвезе-влак технике, саркурал да специальный средстве дене палыме лийыныт. Инженерно-технический группын взрывотехникше сапер-влакын пашашт нерген каласкален, Кугу Ачамланде сар жапыште да кызыт кучылталтше мине ден гранат-влакын образецыштым ончыктен.
Студент-влакым тыгак ОМОН-ышто кучылтмо саркурал да броням аралыше средстве-влак дене палдареныт. Тыгак тысе служебный пий-влакын мом ыштен моштымыштым ончыктеныт – нуно пудештараш келыштарыме устройствым кычалыныт.
Экскурсий спортивный залыште шуйнен: сотрудник-влак кучедалме боевой прием-влакым ончыктеныт.

Леонид Гимев

Кидшер
Шонымашым ешараш