Пеледыш пайрем

Пеледыш пайрем нерген

Пеледыш пайремым эртараш шонымаш икымше гана 1920 ий 27 февральыште Вятка губернийысе Малмыж олаште эртыше II калык погынышто шоктен. Тиде шонымаш у курымын шÿлышланже келшыше гай койын. У пайремым Йошкар пеледыш пайрем манын лÿмдаш да Шернур селаште эртараш пунчалыныт. Тудо Семык пайрем олмеш лийшаш улмаш. Пайремым эртараш да тудлан вуйын шогаш Шернурысо педкурсышто туныктышо, драматург да мер пашаеҥ А.Ф. Конаковлан ÿшаныме. 1920 ий 27 майыште Пеледыш пайремыш кок тÿжем наре калык погынен. Ты пайремыштак, манаш лиеш, пайрем эртарымын шке тÿс-ойыртемже почылтын, тиде – официальный, тÿвыра да яра жап эртарыме, спорт ужаш лийын. Умбакыже лудаш »

Чумбылат кумалтыш

Чумбылат курыквалне вуйым сават

Ош тӱняште шуко тӱрлӧ калык кокла гыч марий калыкын шке ойыртемалтше шотшо уло. Шкенжым пагалыше марий айдеме марий улмыжым жапла да шочшышт-влакланат тыгак туныктен шога. Моло калык дене таҥастарымаште марий пӱртӱсым Юмо дене тӧр ужеш да тудын лоҥгашкыже кумалаш лектеш.
Мландымбалнысе илыш - пӱртӱс илыш, тулын чыла ужашыже ваш пеҥгыдын кылдалтын. Мланде шке алже дене чыла илышым кучен шога. Кече шке алже дене мландымбалне илышым ырыктен шога. Умбакыже лудаш »

Финн-угор тӱнян поянлыкышт

Йошкар-Олаште финн-угор студент-влакын форумышт эртен

Марий кугыжаныш университет негызеш 23-24 майыште «Финн-угор калык-влакын поянлыкышт» III тӱнямбал финн-угор студент форум эртен.
Форумыш молодежный политике, туныктымо паша, тӱвыра, тазалык аралтыш, социологий, историй, психологий, педагогике да моло аланыште шымлымашым эртарыше студент ден аспирант-влакым, тыгак университетла негызеш почмо шанче-шымлыше да увер рӱдерлам вуйлатыше студент ден аспирант-влак чумыргеныт. Тыште 22 кӱшыл да кыдалаш профессиональный образований тӧнежла гыч 248 студент ден аспирант толын. Умбакыже лудаш »

МарГУ

МарГУ-што 85 ияш лӱмгечылан пӧлеклыме торжественный погын эртен

Марий кугыжаныш университетлан да республикысе кӱшыл шинчымаш системылан 85 ий темме лӱмеш торжественный погын эртен. Тушто Марий Эл Республик вуйлатыше Леонид Маркелов лийын. Шке саламлыме мутыштыжо тудо республике илышыште, экономикылан кадрым ямдылымаште вузын рольжым к¢кшын аклен, университетлан умбакыже вияҥаш, регионлан кӱлшӧ у специальность ден направленийлам почаш полшаш палемден. Леонид Игоревич вузын преподавательже ден сотрудникше-влаклан правительствын 7 наградыжым кучыктен.
Погын жапыште «МарГУ: эртыме корно, тачысе кече, ончыкылык» фильмын презентацийже лийын. Умбакыже лудаш »

Пеледыш пайрем

Йоҥгалт, чаплане, Пеледыш пайрем!

Пеледыш пайрем -  марий калыкын ик эн йӧратыме да вучымо пайремже. А паледа мо те, икымше гана Пеледыш пайрем  1920 ийыште Йошкар Пеледыш пайрем лӱм дене Шернур селаште эртаралтын.
Тылеч вара Пеледыш пайрем Татарстан, Башкортостан республиклаште, Киров, Екатеринбург областьлаште, Моско, Санкт-Петербург, Пермь, Чебоксар олалаште да тулеч моло вереат эртен.  Умбакыже лудаш »

Агавайрем

Агавайрем нерген каласкалена

Мо тыгай Агавайрем? Кузе тудо эрта? Тиде да моло йодышлан вашмутым Марий википедийыште тыгерак темлат.
Агавайрем тиде тошто юмынйӱла марий пайрем. Совет жапыште атеизм лийын, сандене  тиде пайремым чареныт, садлан юмынйӱла Агавайремым мер Пеледыш пайрем вашталтен. Тыгодым Агавайремым пайремлаш угыч тӱҥалыныт. Умбакыже лудаш »

VII Марий самырык тукым слёт - Кидшер (48)

Ӱшнӱрыштӧ — «У тукым» фестиваль

Советский районысо Ӱшнӱр кыдалаш школ пелен 30-31 майыште кугурак классыште тунемше-влаклан «У тукым» Республикысе этнокультур фестиваль лиеш.
Йодмашым 28 май марте verhushnur@ya.ru электрон почто дене колтыман.
Лекше йодышым тыгай (83638)9-35-17 телефон дене рашемден кертыда. Умбакыже лудаш »

Йоча-влак (5)

Йошкар-Олаште «Изи мӧр» йоча пайрем лиеш

Республикысе марий тӱвыра рӱдер 1 июньышто, йочам аралыме Тӱнямбал кечын, Йошкар-Оласе Калыкле президент школ-интернатыште «Изи мӧр» йоча пайремыш ӱжеш.
Пайрем школла да ешартыш образованийым пуышо туныктымо тӧнежла гыч икшыве-влакым чумыра. Йодмашым 30 май марте mari-centr@mail.ru электрон почто дене колташ лиеш. Регистраций 11 шагатлан, пайрем 12 тӱҥалеш.  Умбакыже лудаш »

Форум, студенты, финно-угры

Студент-влак «Финн-угор калык-влакын поянлыкышт» форумыш погынат

Элыштына тӱрлӧ йылме дене кутырышо, тӱрлӧ илыш йӱлам кучышо кок шӱдӧ наре калык ила: изи чотанат, кугу чотанат. Калык - элнан ик эн тӱҥ поянлыкше. Кеч-могай калыкын ончыкылыкшо - самырык тукымын кидыштыже.
Самырык тукым, 23-24 майыште Марий кугыжаныш университет пелен «Финн-угор калык-влакын поянлыкышт» III форумыш погына. Форумыш Австрий, Саранск, Ижевск, Глазов, Пермь, Сыктывкар, Чебоксар, Петрозаводск, Казань, Ханты-Мансийск, Волгоград, Санкт-Петербург погынат. Умбакыже лудаш »

Полупроводниковый завод, МарГУ

Полупроводник прибор заводышто у кафедрым почмо

Марий кугыжаныш университет 85 ияш лӱмгечыжым сай лектыш да у сеҥымаш дене вашлиеш. Тудо Йошкар-Оласе Полупроводник прибор заводын стратегический партнержо. Сандене тудын негызеш тенгече микроэлектроникылан керамический изделий-влакым конструироватлыме да ыштен лукмо кафедрым почмо.
Кодшо ийын МарГУ «Оборонно-промышленный комплекслан у кадрым» Россий кӱкшытан конкурсышто сеҥышыш лектын да 50 миллион теҥгеаш грантым налын. Тиде проект кӱшеш лач Полупроводник прибор завод негызеш у базовый кафедре пашаш шогалеш. Умбакыже лудаш »