У ийыште еҥ-влак тӱрлӧ вашталтышым вучат. Тек тудо шуко поро уверлан поян лиеш. Шӱлык кумыл шеҥгелан кодшо, у ий йомак идалык мучко шуйныжо. Сай шонымаш дене веле ончыко ончыза, поро кумылым чоныштыда аралыза.
***
Шке чон-шокшыжо, волгыдо шонымашыж дене ты поро еш пайрем мыланна сай ончыкылыклан ӱшанаш кумылым шочыкта. У ий тӱрлӧ ийготан еҥ-влакым ешым йӧраташ, йӱлам пагалаш, шочмо-кушмо мландым аклаш туныкта.
***
Тек У ий да Рошто пайрем шӱлыш чыланнам эшеат чумыра, лишемда: еш дене пырля погынен, куан кумылым иктеш пайлышыжымат, мӧҥгӧ деч тораште улшыжымат. Чыла сай лиймылан ӱшанен, у идалыкыш ошкылым пеҥгыдын ышташ тыланем. Тек черетан у ий сай шонымашдам илышыш шыҥдараш полша, сеҥымашым, пиалым конда. Ты куанле пайремын юзо виян улмыжлан эреак ӱшаныза да илышдам сай могырыш вашталташ чылажымат ышташ тыршыза, палемдыме кӱкшытыш шуаш вийдам ида чамане. Родо-шочшыда-влакым, лишыл еҥда-влакым кеч-кунамат чон шокшыда дене ырыктыза. Суртыштыда эреак келшымаш шӱлыш озаланыже, порылык да йӧратымаш кумыл дене тудо ырыкталтше. Чылалан тазалыкым, сай илышым тыланем.
***
Календарь эртыше идалыкын пытартыш шагатлажым шотла. Вашке курант-влак пералтат да У ий толмо нерген увертарат. А 2024 ий историйыш кодеш. Очыни, тудо тыланда азапланымашым гына огыл, тыгак куанымат конден.
Налза шӱм гыч лекше саламлыма- шем, тазалыкым, пиалым да сай илыш тыланымашем. Тек тендан ӱшанда ден шонымашда шукталтыт, поро увер-влак утларак куандарат, оптимизм кумыл ден сайлан ӱшан нигунам огыт кораҥ.
***
Ты юзо жапыште, кунам луман курык ден ёлко-влакын тулышт палдырнат, мемнам У ий юзо шӱлыш авалта, да эртышаш идалыкым лончылена. Тудо кӱлешан событийлан да сеҥымашлан поян лийын.
Тыланем чылаштлан пеҥгыде тазалыкым, пиалым да сай илышым. Тек тендан суртыштыда шокшо да волгыдо озаланат, а ешыштыда – йӧратымаш ден вашла умылымаш. У ий дене!