Ты пайрем кумда Российын воинский чапшым ончыкта, кугыжанышын интересшым аралыше-влакым ушен шога, калыкын сай илышыжым арален кодаш йӧным ышта, элнан ончыкылыкшо верч тыршаш тарата.
***
1918 ийыште, Совет Российын Калык комиссар-влак советше Йошкар Армийым ыштыме нерген декретым луктын. Армийнан да флотнан геройло историйышт, Шочмо элын эрыклыкше да эрыкше верч шогышо, Кугу Отечественный сар годым тӱням фашизм деч утарыше воин тукым-шамычын патырлыкышт дене кугешнена. Нунын коклаште Марий кундемын шочшыжо-влакат шагал огытыл, подвигыштым эре шарнаш тӱҥалына.
***