Алал кумылын тендам Шошо да Паша пайрем дене саламлем!
Икымше май икоян улмым, келшымашым да тыныслыкым ончыктышо пайремлан шотлалтеш. Тудо ончычсо ден кызытсе тукымым иктеш уша, пашам йӧратыше еҥым чапландара. Ятыр ий дене палемдыме пайрем шке кӱлешлыкшым йомдарен огыл, тудым кызытат жаплат, эреак кумыл нӧлтшын, ончыкылыклан сай ӱшан дене вучат.
Тӱвыргӧ пашаланда тау! Тендан пашам да шочмо мландым йӧратымыда ончыкылык тукымым шочмо кундемжым аклаш да вияҥдаш кумылаҥда.
***
Кажне тукым ты пайремым шке семынже акла. Туге гынат Икымше май чылаланат пӱртӱсын ылыжмыже, тыныслык, келшымаш, тӱрлӧ национальностян, веран да тӱрлӧ политический умылымашан еҥ-влакын икте-весыштым умылышо, сеҥымашым кондышо кече семын кодеш. Ты кечын Российым да Марий Элым тӱзатымаште тыршыше кажне еҥлан кугу таум ойлымо шуэш. Кундемна дене кугешныме годым республикысе тӱжем дене еҥын ответственно пашам шуктымыжым, мастарлыкше ден уш-акылжым палемдыман