Чоҥештен тый от керт, шулдырет ит шаралте,
Мый ом колто уэш йӱд вашеш.
Йӱк-йӱан шортшо шем ойго ден курымлалтын,
Шинчавӱд чылт шемемын ошеш.
Чоҥештен тый от керт, кумылем ит тарвате,
Толынам тый декет ик жаплан.
Пиалемым вучен, кумылемже волгалтын,
Пеленетак лийнем, но молан?
Пиалем, чоҥештен тый от керт сур кавашке,
Чон воктен пудалем курымлан.
Мый палем, тый вашкет пиалан ош тӱняшке,
Уке тушто лач верже мылам.
Чоҥештен тый от керт: шӱлышет кодын огыл,
Теҥыз вудыш чыкем жап шуде, .
Ну, молан тый вашкет, кече тул дене модын,
когартет шемеммеш шулдырет.
Чоҥешташ тый ит тошт пӱрымаш дене модын,
Ит руалте шӱчаҥше паем.
Ик чӱчалтыш вием тыланет гына кодын,
Шижамат, когарга шомакем.
Владимир Матвеев