Марий калык тӱвыра Регион-влак кокласе фестивальыште

Мондалташ тӱҥалше нематериальный тӱвыра поянлыкым арален, вияҥден да пойдарен колташлан 22 августышто Коми Республикысе Сыктывкар олаште «Диалог культур. Северное многоцветье» II Регион-влак кокласе мультикультурный фестиваль эртаралтеш. Программе почеш концерт, модыш да ярмиҥга площадке лиеш.
Фестивальыште калыкле-культур ушемын да землячествын самырык усталык коллектив-влакше, костюмышто, мурсемыште, куштымаште этнический направленийым вияҥден шогышо калык але тачысе сынан тӱвыра да образований учреждений-влакын еҥышт погынат.
Марий калыкын тӱвыражым, йӱлажым фестивальыште Республикысе марий тӱвыра рӱдер ончыкташ тӱҥалеш.

Кидшер
Шонымашым ешараш