Таче Россий мучко подписке декаде тӱҥалеш. Декаде 23 октябрь марте шуйна. Лу кече жапыште, чыла гаяк газетлан шулдынрак ак дене возалт шуктыза.
Теве Марий Эл Республикысе тӱвыран сулло пашаеҥже, поэтесса Зоя Дудина Шернур районысо Калий, Кугэҥер, Купран, Летник, Лоскутово, Памашсола, Торешкӱвар, Чисола, Шӱдымарий школлашке чылажге 10 экземпляр «Ямде лий» газетлан подпискым ыштен. Школлашке газет 2017 ий январь гыч мияш тӱҥалшеш.
Молгунамсе семынак, подпискым ыштыше-влак коклаште лотерей модыш эрта. Пӧлек-влак: тунемме ӱзгар-влак; книга-влак; баскетбол мече; 100 чупа-чупс. А тӱҥ приз – планшет. Подпискым ышташ ида мондо. Ушештарена, «Ямде лий» газетын акше – 248 теҥгеат 46 ыр. Индекс: В8574. Лудса «Ямде лий» газетым.
