Саламлымаш мут-влак

50 ий – шергакан илыш пагыт. Тидым ме ойлена, саламлен. Илышет лийже поро деч поро, ӱмырет лийже эн пиалан. Шокшо шӱм-чон дене тыгак тыланена: пеҥгыде тазалыкым, курым мучко куанен илаш, вий-куатым, чолга да тыгаяк поро кумылан лияш. Сай пелаш улметлан таум ойлена, ныжылге авалан вуйым савена. Лывырге койышет дене чоным савырет, тек шукемын толыт поро йолташет. 

***

Авай! Шочмо кече, пиалан лийже кече
Илыш-корным шарнен шергалат.
Мыланна тый улат илыш – кече.
Чылалан поро родо улат.
Шочшет-влаклан улат тый эҥертыш
Уныкат-влаклан поро кова.
Тек чылан тый денет кугешнат
Могай сае улат тый ава.
Тек Юмо пиалым колта тыланет.
Тек поро тыланымаш шукталтын
Ончыко эрта ӱмырет.
Лий таза да кужу ӱмыран.
Тыгаяк весела кумылан.
Чыла тиде лиеш гын айдемын
Кайыкла чонештен илыман.
Кайыкла чоҥештал тыят иле
Кажне эрым куанен вашлий.
Кажне кече куанлын эрталже
Кайык муро гай сылне сем ден!!!

***

Тыланена лупс гай яндар, кече гай волгыдо илышым, пиалым, сай тазалыкым, кӱшкӧ нӧлталтше кумылым, эн мӱндыр корно дечат кужу ӱмырым.

***

Эр кечын шыргыж ончалмыжлан, яндар каван волгыдыжлан, шыма южын ласкалыкшылан куанен иле, (саламлыме еҥын лӱмжо да тукымлӱмжӧ)! Йоген лекше яндар памаш вӱд гай ӱмыргорнет кужу да ласка, ладыра тумо гай тазалыкет лийже! Кугезе пушеҥге вож деч вийым налын шарлыже ешет. Эреак умылымаш, пагалымаш да чон ласкалык лийже!

***

Илышет лийже муро гае йоҥгыдо, кече гае волгыдо, вурс гае пеҥгыде, пеледыш гае эреак сӧрал, памаш вӱд гай яндар. Пеленет эреак тыйым пагалыше да йӧратыше, умылен моштышо да полшен шогышо лишыл еҥет-влак лийыт.

***

Шочмо кечет дене алал кумылын саламлена. Тыланена пенгыде тазалыкым, йолгорно гай кужу ӱмырым, шошо леве мардеж гай куштылго кап-кылым, памаш вӱд гай яндар шӱм-чоным, илышыштет да коштмо корныштет — пиалым. Тек вуй ӱмбалнет чевер кече гына шыргыжеш.

***

Тачысе сылне лӱмгече пайремет дене саламлен, тыланен кодына пенгыде тазалыкым, кужу умырым, чон ласкалыкым да ласка шонгылыкым.

***

Тазалыкет пенгыде, кочшаш киндет перкан, йӱшаш вӱдет яндар, вий-куатет самырык годсо гай да ӱмырет йогын вӱд гай кужу-кужу лийже.

Тыланен кодына тумо гай пенгыде тазалыкым, коштмаш корныштет волгыдо пиалым, ший памаш гай яндар сото илышым. Кум (мутлан) йочам ончен-куштыметлан, йол умбак шогалтыметлан, кумда илыш-корныш ужатен луктын, сай шинчымашым пуыметлан ме таланет, авай, шӱм гыч лекше таум каласена да вуйнам савена.
Тек мемнан суртна эреак йоча да уныка йӱк дене шергылтеш. Авай, мемнан сеҥымаш да мемнан пиаллан куанен иле.

***

Шочмо кечет дене саламлен, тыланен кодына самырык тумо гай таза, вис-вис пеледыш гай мотор да весела илышым. Ерыште ийын коштшо мужыр йӱксӧ гай пиалан лий. Ӱмырет йолгорно гай кужу лийже.

***

Ачай, тургыжланымаш, ойго да осал шонымаш эреак ӧрдыжтӧ кодышт, а шӱм-чонет ласкалык дене лыпланыже. Шоҥгылыкым веселан вашлийын, пошкудо да йолташ-влак дене келшен, умылен, икте-весым пагален, илыш-корным шуяш тыланена. Пиалан, таза да кужу ӱмыран лий.

***

Тыланена волгыдо пиалым, ешыште ваш умылымашым, пагалымашым, пенгыде тазалыкым да кужу ӱмырым.

***

Ешлан поро, сай, кеч-могай жапыштат ӱшанле эҥертыш улметлан, пенгыде вий-куатетлан шӱм гыч лекше шокшо тау мутым каласена. Вуй ӱмбалнет канде кавам, кужу деч кужу ӱмырым тыланена. Тек шӱм-чонетым кече эреак ырыкта, ласкалык дене илыш вийым пуэн шога.

***

Илышет лийже муро гае йоҥгыдо, кече гае волгыдо, вурс гае пенгыде, пеледыш гае эреак сӧрал, памаш вӱд гай яндар. Пеленет эреак тыйым пагалыше да йоратыше, умылен моштышо да полшен шогышо лишыл енет-влак лийыт.

шочмо кече дене саламлымаш мут-влак поздравление с днём рождения на марийском языке

Кидшер
Шонымашым ешараш