Поэт, журналист, кусарыше Геннадий Сабанцев-Ояр 8 апрельыште Кужэҥер посёлкысо Тӱвыра пӧртыштӧ лӱмгече касшым эртара.
Касым Иван Смирнов, Светлана Строганова, Роза Искакова, Снежана Орлова, Алексей Юнусов, Иван Соловьёв, Станислав Устюгов, Саша Иванов, Юрий Ахтямов, гармоньчо Алексей Горинов сӧрастарат.
Пайрем 14 шагатлан тӱҥалеш.
Геннадий Сабанцев 1958 ий вӱдшор тылзын 8-ше кечынже Марий АССР Кужэҥер кундем Йырмарий ялыште шочын. Шке жапыштыже «Пачемыш», «Пионер йӱк» ден «Ончыко» журналлаште, «Ямде лий» да «Кугарня» газет-влак редакцийыште, «Марий Эл» кугыжаныш теле да радио компанийыште тыршен.