Студент-влакын «Воскресение» кычалме отряд 10 ий темме лӱмеш пайрем мероприятий Марий кугыжаныш университетыште лийын.
10 ий жапыште отрядын участникше-влак Ленинград, Тверь, Мурман, Угарман, Сахалин областьлаште, Марий Эл, Карелий, Крым республикылаште 30 утла экспедицийыште участвоватленыт. Отрядын боецше-влак сарзе-историй реконструкцийым эртарат. 2015 ий гыч МарГУ-што тоштерым почмо, тушто экспедиций гыч кондымо шкешотан ӱзагр-влак ончыкталтыт. Тоштерын фондыштыжо 500 утла экспонат шотлалтеш.
18 апрельыште тыгак Марий Эл республикысе самырык-влакын кычалме пашам вияҥдыме шотышто йыргешке ӱстел эртен, патриотический воспитаний шотышто Республикысе рӱдер почылтын да Эстоний да Марий Эл военно-исторический ушем кокласе келшымашым пеҥгыдемдыме.