Марий Эл Республик Виктерын грантше дене «Кеҥеж сылнымутчо» проектым шыҥдарат. «ВийАр» тӱвыра кокласе кыл ушем тиде усталык проектым шыҥдараш правительствын гантшым налеш.
Самырык автор-влаклан сылнымут семинар 18-ше гыч 20-шо август марте Юлсер кнудемыште эрта. Программе шинчымаш, психологий да тӱвыра модуль-влаклан шелалтеш. Тушко тренинг, палыме еҥ-влак дене вашлиймаш, усталык паша-влакым каҥашымаш пурат.
Семинарыш 50 утла еҥ ушнышаш. Тиддеч вара «Кеҥеж сылнымутчо» сборникым ямдылаш тӱҥалыт. Тудо проектысе произведений-влакым чумыра.
Правительствын грантшым «Тӱвыра» калыкле проект дене 2019-ше ийыште пеҥгыдемдыме. Тудын кугытшо 300 тӱжем теҥге.