Мордовийыште Российын этнотӱвыра поянлыкшым каҥашеныт. Саранскыште финн-угор калык-влакын Россий кӱкшытан кокымшо форумышт 16-19 августышто эртен.
Мероприятийыште Россий Президентын администрацийжым вуйлатышын алмаштышыже Магомедсалам Магомедов, Кугыжаныш Думо председательын алмаштышыже Сергей Неверов, Юл кундем округышто Россий Президентын полномочный представительжын алмаштышыже Игорь Буренков, Мордовийын Главаже Артём Здунов да Российысе 50 кундемын, нунын коклаште Марий Элынат, делегацийышт лийыныт.
Магомедсалам Магомедов участник-влакым Российын Президентше Владимир Путинын саламлымашыже дене палдарен. Форумын деловой программыштыже материальный огыл этнотӱвыра поянлыклан, тӱвыра да йылме кумдыкышто, самырык- влакын проект пашаштышт IT-технологийлан пӧлеклалтше пленар да секциян заседаний- влак эртат, самырык-влакын проектыштын Россий кӱкшытан конкурсышт иктешлалтеш.