Россий кÿкшытан марий самырык тукым слёт Курыкмарий районысо Микрäк селаште лиеш. Тений тудо 16 гана эртаралтеш.
Эртарыме жап — 16 гыч 20 июль. Участник-влакын ийготышт — 18 гыч 35 ий марте. Тений Россий кӱкшытан марий самырык тукым слетын участникше лийнет – тиде электрон адресыш анкетым колтен кертат — mer-kanash@mail.ru.
Слётын ик эн тÿҥ шонымашыже — марий самырык тукым коклаште ончыко вÿден кайыше еҥым кушташ, мер илышыш ушаш.
Кажне ийын слёт ойыртемалтеш: тӱрлӧ районышто эрта, тудым ямдылыме пашашке вес еҥ-влак ушнат, пайдале туныктымо, тÿвыра да каныме программыла ямдылалтеш.
Слётым ямдылыме да эртарен колтымо организационный йодыш-влакым илышыш пуртымо верч Марий Эл Республикын тÿвыра, печать да калык-влакын пашашт шотышто министерстве, Самырык-влак политике комитет, «Мер Каҥаш», «Социал иницитив рӱдер», «Эр вий» ден «ВийАр» мер ушем-влак тыршат.