73-шо ийышке вончышо Виталий Макаров колен. Тудо 15 ий Марий кугыжаныш университетым вуйлатен. Тудын илыш гыч кайымыж нерген поэт Зоя Дудина увертарен.
Макаров 1953 ий 11 июльышто Марий АССР Кугу Шокшем ялыште шочын. МарГУ-м отличий дене тунем пытарен, ялозанлык шанче доктор да профессор лийын.
Агроном гыч вуйлатыше марте корным эртен. 1998 ий гыч 2013 ий марте Марий кугыжаныш университетын ректоржо лийын. Тыгак Марий Эл Республикын кугыжаныш Погынжын кум созыв депутатшылан сайлалтын.