GigaChat марий йылме дене пайдаланаш тӱҥалын. Тиде Сбер GigaChat Ultra модельым уэмдыме деч вара лийын кертын, палемда «Кидшер» интернет-журналын корреспондентше.
«Кугу текст массив-влак негызеш генеративный искусственный интеллект Российысе калык-влакын йылмыштым тунемеш, тиде нунын дене текст-влакым ыштен лукмо качествым веле огыл саемда, цифровой саманыште шкешотан культур поянлыкым арален кодаш полша», — ойла компьютер лингвист Андрей Чемышев.
Калыкле йылме-влакым цифроватлыме паша 2025 ий годсек Калык-влак пӧртын виктарымыж да Калык-влакын пашашт шотышто агенствын полшымыж дене шукталтеш. Проектыш 17 регион ушнен, 20 йылме дене паша кая.
GigaChat — тиде Сберын ыштыме нейрон сеть. Тудо 2023 ий апрельыште тест режимыште лектын. GigaChat-ын ойыртемже — тудо тӱрлӧ типан контентым: текст да графике материал-влакым — ыштен кертеш, тыгак шке функцийже-влак дене ойыртемалтше персонаж-влак дене вашкылым ышташ йӧным пуа.