Элыштына тӱрлӧ йылме дене кутырышо, тӱрлӧ илыш йӱлам кучышо кок шӱдӧ наре калык ила: изи чотанат, кугу чотанат. Калык — элнан ик эн тӱҥ поянлыкше. Кеч-могай калыкын ончыкылыкшо — самырык тукымын кидыштыже.
Самырык тукым, 23-24 майыште Марий кугыжаныш университет пелен «Финн-угор калык-влакын поянлыкышт» III форумыш погына. Форумыш Австрий, Саранск, Ижевск, Глазов, Пермь, Сыктывкар, Чебоксар, Петрозаводск, Казань, Ханты-Мансийск, Волгоград, Санкт-Петербург погынат.
Толшо-влак самрык-влакын политикыштым, шинчымаш да шанче, тӱвыра да историй, психологий да туныктыш, тазалык теме-влак почеш пашаштым виктарат.
Ушештарем, икымше форум 2013 ий 26 апрельыште, кокымшо 2015 ийыште 14-16 майыште эртеныт. Тышке Финн-угор университет-влак тӱнямбал ассоциацийыш пурышо вузла гыч самырык тукым чумыргеныт.
