Марий Элын 100 ияш лӱмгечыж вашеш да Финн-угор калык- влакын кечышт лӱмеш эртарыме «По следам предков» Тӱнямбал этнокультурный проект фестиваль кышкарыште 1-ше гыч 3-шо ноябрь марте Марий Элыште венгр кино фестиваль эрта.
Кум кече жапыште тӱрлӧ площадкыште тӱнямбал кинофестивальлаште кӱкшӧ награде дене палемдалтше венгр кино-влакым ончыктат. Фестиваль 1 ноябрьыште «Ёлка» ужалкалыме рӱдерын кинозалыштыже режиссёр Габор Херендин «Кинчем-моё сокровище» фильмын презентацийже дене торжественно почылтеш.
Церемонийыште Озаҥ олаште Венгрийын Генеральный консулжо Адам Штифтер лийшаш.
2-шо да 3-шо ноябрьыште Звенигово оласе «Дискавери» кинотеатрыште режиссёр- влак Марта Месарош ден Ференц Тӧрӧкын «Аврора Бореалис: Северное сияние» да «1945» фильмыштым ончаш лиеш.