Марий калык конгресс эртыше идалыкым иктешлен

Марий калык конгрессын еҥже-влак эртыше идалыкым иктешленыт да тенийлан паша радамым пеҥгыдемденыт. 

Эртыше ийын ушем тӱрлӧ проект пашам шуктеныт. Россий президентын грантше кӱшеш Икымше тӱнямбал сарыште лийше-влакын лӱмыштым возыман мемориал книгам, Валерьян Васильевын «Кугу сорта» книгажым да молымат савыктен лукмо. Икымше марий дирижер Г.Таныгинлан У Торъял районышто шарнымаш оҥам ямдылыме.

«Тений районлаште, республик деч ºрдыж кундемлаштат, калык дене утларак вашлийме, шанче, тӱвыра, просветительский корно дене пашам виктарен колташ тыршенна», — палемден Марий калык конгрессын председательже Евгений Кузьмин.

Кидшер
Шонымашым ешараш