Марий Эл Кугыжаныш Погынын 47-ше сессийже ӱярня тылзын 26 кечынже эрта. Депутат-влак 10 йодышым ончат.
Парламентарий-влак Кугыжаныш Погыныш депутат-влакым сайлымашым эртараш ик мандатан сайлыме округлан у схемыштым пеҥгыдемдышаш, кок суд участкын мировой судьяштым палемдышаш улыт.
Тидын годымак территориальный общественный самоуправленийлан кугыжаныш велым полшымо нерген у законын проектшым, сайлымаш дене кылдалтше икмыняр законыш да республикын бюджетышкыже самырык-влак парламент нерген Положенийыш вашталтышым пурташ палемденыт.