Йӱлашке пурышо «Мый марла ойлем!» акций 27 апрельыште Чарла кремыльыште эрташ тӱҥалеш.
Мероприятийым сылнымут флешмоб дене почыт. Акцийыш тунемше, самырык еҥ, писатель, поэт-влак ушнат.
Мероприятий 16 шагатлан тӱҥалеш.
Ушештарена, «Мый марла ойлем!» акций ынде индешымше ий почела шошым эртаралтеш. Акцийлан негызым В. Колумб лӱмеш рӱдер-тоштер пеленысе «ВийАр» самырык-влаклан ушем пыштен.