Йошкар-Олаште Сеҥымаш кечылан пӧлеклалтше ятыр мероприятий лиеш. 10 шагатлан Воин Чап монумент, курымашлык тул да Воин Чап мемориал деке пеледыш аршашым пыштат. 11 шагатлан Ленин проспект дене верысе гарнихзонын войскаже, кадет, военный технике да Курымашлык полк торжественный марш дене эртат.
Йоча да самырык-влакын усталык полатышт воктене хор дене сар жапысе муро-влакым тӱшкан мурымаш, Сеҥымашын 30-шо идалыкше лӱмеш тӱвыра полатыште пайрем концерт, 17 шагатлан рӱдӧ каныме паркыште ветеран-влакын вашлиймаш касышт лиеш.
18 гыч 21 шагат марте Ленин площадьыште пайрем дискотека, 22 шагатлан пайрем тулсавышым ончаш лиеш.